年初已經提到黃金白銀升得太多唔夠膽追嘅朋友，可以考慮能源ETF XLE，最近能源板塊受油價同地緣因素帶動，表現亮眼。根據最新數據（截至2026年3月4日收市），XLE 自2026年1月初至今已經升咗23.09%（由$45.65升到$56.19）！對於可以放到大金額、穩健型投資組合嚟講，絕對算係唔錯嘅回報。

而家問題係能源都升左，大家可能又話「唔夠膽追」，咁到底仲有冇落後嘅資源類別值得買入呢？

答案就係木材啦！睇返iShares Global Timber & Forestry ETF（WOOD），今年至今只升咗3.35%（由$72.86升到$75.30），相比XLE嘅23%、黃金（GLD）18.46%、白銀（SLV）14.59%，明顯落後一大截，簡直係「最最最落後」資源品種。

而家木材期貨價格（Lumber）喺557美元/千板呎左右，過去一個月跌咗約5%，年比跌14.64%，的確處於相對低位。

但要諗吓嚟緊美國總統Trump未來會做咩？除咗最近地緣衝突同石油資源相關因素之外（能源板塊已經反映咗），假如美國谷經濟就要谷樓市，樓市上升最有利嘅資源類別就係木材，因為美國90%以上住宅係用木結構起樓，需求直接同房屋開工量掛鈎。

更關鍵嘅催化劑係Trump對加拿大木材加徵高關稅：軟木木材進口關稅已升至30-50%水平（部分已於2025年底生效並延續），直接限制加拿大（美國最大木材供應國）出口，疊加北美多間鋸木廠關閉同產能收縮，供應面大幅收緊。業界預測2026年lumber價格會因供應短缺而改善約3.1%（甚至更高）。

所以，而家又係可以開始每個月買小小WOOD ETF嘅時候！但都係嗰句老話：慢慢去儲會更好。

最最最落後的資源品種

You must be logged in to access this course