環球市場從低息qe 到現在高息收水的環境，已經從基本上產生變化，好多人仲用緊過去十幾年嗰一套去投資，短炒冇問題，做好風險回報比去下注轉身快，好多有經驗朋友都可以喺任何情況之下短線搵錢，但作為一個相對長線的投資組合考慮的就唔係短短幾個星期或者一個月，而係應該考慮宏觀上的變化，不二喺市場上仲見到好多人見回落就買入科技股或者指數基金或者收息股。

我唔講對或錯大家先睇到以下數據，你哋俾個答案我，以下就係歷史SP500走勢同CAPE的關係。

什麼是CAPE? CAPE（Cyclically Adjusted Price-to-Earnings ratio）是一種使用市盈率（PE ratio）的變種，也稱為Shiller PE。與普通的PE比率不同，CAPE將股價除以通脹調整後的過去10年獲利，以平滑短期波動，提供更長期的視角。這種方法旨在消除短期市場波動對市盈率的影響，更好地反映長期投資價值

大家可以睇到過去CAPE超過30之後sp500都接近在高位，而且喺往後10年之後先會創出新高，其實原因好簡單你越貴買，當然容易摸頂或者需要更長時間先可以獲得利潤。

我相信大家都成日聽到SP500平均一年8-10%回報。但假如你在CAPE高位買入可能要等10年之後先能夠回本，所以就算你相信指數只會往上行，但假如你在貴的水平去買都好難獲利。

而家CAPE到底幾多呢？答案就係28.82，在歷史上都屬於偏貴水平，假如你而家要投入大量資金作一個中長線部署會唔會放入美股入面呢？依點大家要自己諗。

但最近仍然有大量資金湧入美國科技股，我認為大部份人仲用緊過去十多年的投資思維，只要市場一跌就去撈底反正市場持續創新高，但過去成功是因為美國一直放水。

而事實從2021年起自收水後Sp500已經見咗頂，如果你擁有最好嗰幾隻科技股都算好彩，但假如你持有另外果四百多隻股票咁代表你在過去兩年投資表現一定好差。

大家仲會咁做因為大部份人都忽略咗市場已經從過去低息印錢環境，到而家收水高息環境，正如我上文所講債息急升，你買BIL短期美國債券都可以每年攞5%回報而且接近零風險，你仲要唔要衝入去市場大手博？另外而家美股估值一啲都唔平，反正我睇唔到有任何誘因。

而且假如債息繼續高企，科技股估值將會重估，只要短期內科技股業績未能夠如預期，到時大家才開始如夢初醒。

另外債息繼續向上當中一個原因就係市場預期通脹將會再次失控。而上一次發生通脹式熊市已經可以追索返1970年，當時科技股成為最差表現的投資物之一，價值投資崛起，能源上升，其實能源板塊在過去兩年已經大幅跑贏左美股大市，呢個係不爭事實，所以我哋並唔係預測未來發生咩事，而係通過觀察現有變化去做決定。

回顧番上文指出大部份資金買入短期美債收息或者直接在銀行定期之外，更加建議新朋友部署黃金，當其時指出以巴衝突雖然剛開始，金價未反應，但戰火蔓延將會係遲早的事，現在相比起上文金價已經急升咗好多，成為過去兩星期完全跑贏大市投資物，其他例如T L T或者能源板塊ETF回落不少，如果手上一點都無可以買小小，但仍然未到大手買入的時候。

投資大環境轉變24/10/2023