最近長債再次破位上升，除了反映通脹繼續，同時反映長債買家不足，供求關係，短期內美國都繼續要發債因為赤字嚴重，供應持續增加但買家不足，債息只能夠持續上升，相信情況要等到美國qe 放水增加流動性先可以解決呢個問題。

但最近通脹持續升溫，暫時睇唔到短期會重新qe跡象出現。

另外反映短期的十年期債息同樣高企，下圖為債息減去通脹利率情況，過去在高位時候都發生金融危機，因為借錢的公司面臨嚴重壓力，資金短缺想借錢的借五到錢，違約將會出現。

相信債務危機將會在短期爆發。那麼我哋應該點樣應對？

第一，我哋大部份資金應該選擇短期美債如"BIL"收息, BIL在美股中通常是指 SPDR Bloomberg Barclays 1-3 Month T-Bill ETF。這是一支與美國國庫券短期期限相關的交易所交易基金（ETF）。這檔ETF的目標是追踪彭博巴克萊斯美國國庫券1-3個月短期期限指數的表現。所謂的國庫券是指由美國政府發行的債券，而1-3個月短期期限的國庫券則是指到期日在1到3個月之間的債券。這種ETF通常被投資者視為一種安全的短期投資工具，因為它主要投資於短期、低風險的政府債券。

再保守可以選擇定期，因為既然知道危機即將出現，一來可以保留購買力，另一方面而家利息接近5%非常吸引，冇理由再大資金落場博如此不明朗情況。

另外雖然我仍然持有最近跌幅不少的T L T，而因為暫時只佔整個投資組合不足10%。但我不認為短期內會見底，不過我唔會完全離場，其中一個原因係我唔會覺得我100%估到未來會發生咩事，持倉亦都增加自己對市場敏感程度，過去兩年TLT持續錄得大量資金買入，相信要等資金投降正式流出後才可能底部出現，到時再通知大家

如果新朋友而家才開始組建環球投資組合，可以開始部署打防守波的黃金，加上以巴衝突持續升溫，雖然係一件不幸事情，但有可能令到黃金價格上升，雖然暫時金價未反映，但我認為以巴衝突影響將會高於烏俄戰爭，所以假如完全冇黃金配置朋友可以開始慢慢建倉。

能源板塊方面過去一個月持續回落，反映通縮機會加大，暫時仍然等待更佳時機去加倉。

最後美股港股配置，仍然同過去提及一樣，美股估值偏高，而且處於熊市狀態，唔建議過多持有科技板塊，雖然下年大選，通常今年第四季表現都會唔錯，但我唔認為呢個係落手入場的指標，但假如你轉身快想博反彈就當我無講過，另外10月Black Friday即將出現，市場亦都非常十分多此類討論，反正危機意識要提升，雖然市場太多black Friday聲音反而未必會出現，但會唔會係大家以為Black Friday冇事之後持續進場，去到11月先跌呢？暫時未有定論，但假如你諗住持有超過一年以上美股的話，而家未係儲貨的時候，但而家有美股的朋友更加要做好vix對沖，慎防突然急跌。

港股方面持續弱勢趨勢未改，但我現階段唔會做淡，因為現時市場有兩個擠擁交易，第一就係做好美國科技股，第二就係沽空中國股票，反映太多人睇淡中國股，假如突然夾淡倉應該會措手不及，另外以巴衝突一方面反映歐洲嗰邊立立亂，會唔會令到資金重回亞洲都係考慮因素之一，我反而覺得過去已經離場港股的朋友可以重新考慮部署入場。

危機將近 9/10/2023