孤注一擲在交易中是一個不可取的行為，但如果永遠都買細注，那麼最大的遺憾就是睇啱嘅時候賺太少，所以需要適當的時候加大注碼。

但每一個交易都應該由一個細注碼開始，測試方向錯的話就果斷止蝕，如果對的話加碼獲利，你試諗吓，如果你能夠做到「做錯時候是細注，正確時候是大注的話」，你會唔會賺錢呢？

而分注加碼就可以令到我哋做到呢一點，注碼的加減是一門藝術，但佢絕對可以令到交易者更上一層樓，但加注是違反人性的，因為每個人賺錢就想離場，怎麼會想要再進場呢？這根本是和人性反著做的方法。加注不是代表買貴了？升左那麼多仲可唔可以買？下跌了一段時間仲可唔可以沽空？呢個時候好多交易者心中都有疑慮，而贏家在很多地方都是反人性操作。這並不容易，需要練習但對你在交易路上有絕對的好處，開始試試吧！

「盡量將獲利最大化。虧損的部分最小化，倉位加減就是交易精髓。」

先從個股講起，始終期權是個股的衍生產品，如果馬上講期權長倉有少少未學行先學走，而且先將個股掌握好，將會令到你更有底氣去交易期權長倉，甚至單純透過個股獲利都可以，促使你的交易之路更加平坦，走少好多不二過去的冤枉路。

從一個例子講起，曾經有個朋友同我講，佢交易388，第一注時候股價就開始慢慢上，佢見到現價已經比佢買入價高咗少少就開始加注，而走勢亦都如佢所料向上衝，呢個時候佢選擇繼續加注，總共持續加咗4注，而合併第一注，總共買入左5注，符合賺錢加碼的原則，但當佢最後一注買入之後行情反複向下，那時候佢認為只係調整，所以繼續保留好倉同時觀察走勢運行，結果係半個鐘內走勢突然反轉向下急跌，一段時間之後股價終於跌穿佢第一個買入點，睇到咁凶狠，佢就匆匆忙忙將手上好倉全部止蝕走人。

原本想大賺一筆的交易卻以損失慘重終結，雖然佢非常瀟灑地講只係情況不如預期，但我知道佢心中在意，分注本身就係希望賺更多，買更多但如果天不從人願，走勢偏偏相反就是買得越多，反而輸得越多，呢個心理反差係巨大，而且令人難以接受。

而呢個亦都係好多交易者在分注時遇到的問題，到底你離場時候係賺係蝕？賺幾多唔知道？蝕幾多唔清楚？因為你根本唔會去計算亦都唔識去計算，如果你要決定走上交易之路，你一定要計算你的賺蝕，唔單上是一筆過的交易，就算係分注進場都要預先計算輸贏，否則只係純粹賭博。

我會建議一開始你可以為你的虧蝕設定一個安全的百分比，例如資金的2%，假如十萬的話就係$2000，有人覺得好少，確實假如你直接一筆過買10萬價值的股票用2%做止蝕，有時單日波幅都唔止，甚至隨時一個裂口已經遠遠超過，那麼你的損失就會比想像中大，止蝕亦都毫無意義，但假如你係分注進場第一注只係三萬蚊呢？那麼要下跌6.6%才碰到你的止蝕位，那就安全得多了。

因為只有清晰的入場價同離場價先可以養成止蝕的好習慣，然後如果你獲利嘅話先再加注，但仍然需要虧蝕$2000就出場，那麼你就好清楚知道加注之後如何出場。每次加注之後都要了解出場點，咁樣先有辦法去計算風險回報，而風險控制的來源，來源於明確的出場點。

當然以上只一個例子，因為總有人願意承受更多風險，但每次虧蝕金額最好在你可接受的範圍，否則你會對交易失去信心。

而好多人常犯錯誤就係睇陰陽燭或者係趨勢線才臨時決定出場位，大家要明白預測方向唔係交易重點，點樣在進場之後管理好風險先係重中之重，假如你事先規劃的情況沒有出現，你就只有止蝕離場而大部份交易者都唔會事先計算風險，以至於走勢不如預期的時候，冇辦法接受帳面上損失任由其損失擴大，此乃交易中之大忌。

但假如以上計算方法對你嚟講仲係複雜的話，可以用一個最簡單方法，而過去我亦都提過「回到倒數第二注就出場」，用返上面388交易做例子，假如買入第五注之後市況反覆回到去第四注的入場價就要考慮離場，咁樣起碼整體有可能係賺錢，而最重要是為了你的出場價是符合你的預期，你必須在走勢未發生情況之下，已經預先諗好離場位置，並且確實去執行，而非事後才去做，進場之後我哋只要做好風險管理就可以。

另外我經常用的方法之一，就係先決定出場位置/止蝕位，再決定是否加注，有時候對於個股有更大信心的時候，止蝕一般會放得相對比較大，而呢個時候亦都唔可以忽略離場位置，而係幻想假如未來陰陽燭去到咩位置你會去認輸，咁樣你的止蝕才相對比較有意義，代表你當時已經有一個明確的離場價/止蝕位，去反推你是否應該在現在加注？如果進場加注之後價格回落到我的離場位/止蝕位而呢個損失唔係我預期之內的話，就唔應該加注。

最後如果你可以控制倉位的時候做到越買越多，但風險越來越少，甚至零風險的話，就可以話掌握到分注加碼的精髓，記得重點在於先計算風險再入場。

其實講到尾要留意的只有一件事就係「風險」，無論你要分注定係要止蝕都必須計算風險，風險能夠接受先入場與加注，如果你可以做到買一注同埋買五注的風險都係一樣，那麼你已經超越咗好多交易者認為買得越多，風險越大的認知，而解決呢個問題只有一個答案就係分注加碼。

去到呢度，我相信好多朋友期待聽點樣在期權中進行分注，或者定止蝕，特別係期權長倉。但大家要明白無論long 定short都係高槓桿市場，自然波幅好大。好難同你講如何去定止蝕，輸20%定輸50%抑或70%先止蝕呢？我相信冇人俾到你答案。

有時在Facebook廣告上成日聽到網上有人話做長倉點樣去定止蝕，看似好吸引，但其實十分嘩眾取寵，因為做得長倉最佳的止蝕位就係錯方向就輸晒！

好記得當初我玩期權長倉的時候，曾經都面對持續虧蝕的問題，一般情況下睇錯方向虧蝕十分正常，最唔抵係止蝕後才出對方向，錯過大倍數的回報！

因為依件事我特別請教期權高手錢先生，佢話你要知道long本身贏面已經低，加上只要股價輕微震盪，期權價已經30-40％以上的波動，好難有任何基準去做止蝕，所以最好止蝕就係「輸晒」。

當時我聽到呢個答案時好驚訝

「吓！輸晒，唔得。。」

佢馬上解釋如果你打算用1萬蚊去進行投機的話，你打算3成止蝕，那麼就是虧蝕三千。禁你不如直接買三千，用注碼去止蝕勝過用止蝕位，你會發現成功率會高得多！原本期權長倉已經係槓桿，假如你又加止蝕就是將複雜事情再複雜化，咁樣你又點樣賺錢呢？玩得以小博大依個遊戲就唔可以怕虧蝕。

當然買入的時候可以分注，但所有注碼都要有心理準備完全蝕晒先好入場（有時就算無錯方向，震盪幾日都可能已經輸三，四成），依個係你進入槓桿市場之前必須有的覺悟。否則炒炒正股仲好。

分注的藝術