現時港股反覆向上，美股就正處於”長期牛市”當中，究竟我哋可以點樣去判斷牛熊市呢？

透過閱讀唔同牛熊市研究，不二覺得最簡潔同最實用就係道氏理論提出牛熊市周期，認為股市同市場經濟表現掛鉤，而且升升跌跌都係有一個周期，而每個周期都有三個階段形成，簡單講就係牛一，牛二，牛三以及熊一，熊二，熊三。

一般情況下牛市開始就係指距離上一個熊市低點會升咗20%以上，基本上就可以確定為牛市，相反熊市就係佢由前高點下跌20%，美股通常都會用SP 500判斷市場，而港股當然用恆指啦。

但大家都知道假如大市上漲咗20%你先確定牛市作用大唔大？同埋一個咁公開指標到底對於操作有冇用？依點都非常之值得思考，但無論點樣都要清楚了解基礎理論才有下一步部署。

以下表格就係說明左牛熊三個時期的特徵，令你更方便分析市場處於邊一個階段（請細心閱讀以下表格以及想像現在港股及美股處於邊一個階段，只有運用先會對你有幫助。）

最後有好多人忽略一點就係處於牛市階段通常都係”慢升快跌”，相反處於熊市時候好多時候都”慢跌快升”，大家可以理解為市場不停運用人性特質去運行，熊市時候最可怕就係不停撈底，但到底點樣可以吸引你去撈底呢？就係下跌之後突然急升令到你害怕會錯過明天升幅甚至熊轉牛的機會。。

唔知係好彩定唔好幸運，當年不二進入市場時候正值港股熊市，因此親眼目睹過身邊好多人不停撈底之後股價不停跌的情況，令到我對於熊市威力有非常深刻印象。

當然無論處於牛市定熊市，只要做好止蝕，判斷好區間，同樣可以做出高倍數方法，內容將在"判斷階段"中在詳細討論。

（一）大市方向之牛熊市周期