我相信每一個報名呢個課程的朋友都唔係希望沒日沒夜咁樣去操作交易，最想就係希望透過交易去賺大錢，而賺大錢最不能忽略的方法就係擁抱泡沫。

唔知大家知唔知不二過去最大一次回報就係來自388，當年港股直通車出現388股價一個月內由$190左右升到$300幾，咁你可以想像當時期權倍數可以幾誇張，而呢一次交易亦都令到我的生活提升左一個階級。

不用羨慕，在你的投資生涯當中通常都會或多或少碰上過好多次泡沫，好似早幾年的美股Tesla，Bitcoin，你會發現泡沫其實都係人性特質，假如你喺人生當中捕捉到一個似樣的泡沫，你的人生就會由量變去到質變。

所以要真正想喺炒股中搵到大錢就必須有能力認識依啲瘋狂，投入其中，再在假象被公眾認識之前退出遊戲。

想了解泡沫就不能不知道鬱金香狂熱的故事:

「16世紀末，一名荷蘭商人從土耳其進口鬱金香球莖，並將之栽培推廣。由於荷蘭的鬱金香球莖來自進口且數量稀少，擁有鬱金香球莖逐漸成為有錢人的象徵。愈奇特的鬱金香球莖，愈能引發種植者的興趣。當時，鬱金香球莖的種植者到處找尋變種的鬱金香球莖，因其數量稀少，加以若干種植者囤貨，變種鬱金香更加奇貨可居。

此時，歐洲各國投機者紛紛湧入荷蘭，加入這場鬱金香投機狂潮。在種植者囤貨、投機者搶購的推波助瀾下，鬱金香球莖的價格高漲，連市井小民也瘋狂搶進。因需求過於強勁，種植鬱金香霎時成為一門穩賺不賠的生意。

到了1636年，即使是普通品種的鬱金香，其價格竟也高達相當於一輛馬車、數匹馬。所有人堅信，鬱金香的價格將不斷走高，不會停歇，而以當時的熱潮而言，亦確實如此

然而，1637年2月3日，就在大家毫無心理準備之際，悲劇發生了：鬱金香球莖的價格直線崩落，竟慘跌至與一顆洋蔥的售價相當！」

睇完呢個故事你可能覺得故事好有趣，但係到底同炒股或者交易有咩關係呢？如果你睇到依度都仲未諗到要故事含意，咁你又要多多培養自己的悟性。

你會發現故事中都係從泡沫形成到破滅的過程，時間有長有短，但都係一樣開始時候背後都有一個動人故事，提供比人哋無窮想像，發財的希望，促使投資大眾開始投入，如果股票嘅話就表現在成交量增加，股價上升吸引更多人注意。

有啲人忍唔住會將上升的股票脫手，另一批就會在股價下跌入市，每次波動都會帶嚟更大的貪婪，吸引更多人加入令到股價節節上升，形成趨勢。而在泡沫之前通常係瘋狂到極點的時候，股價可能係幾日內升一倍或者更多，散戶開始麻木入貨，唔會考慮股價真實價值，只會害怕聽日升市失去左自己的一份。

而我哋要了解泡沫的「特性」先可以喺下次出現嘅時候捕捉到佢哋。

第一

可信想法，概念或者產品能夠提供快速財富增長以及帶嚟巨額財富。

第二

社會游資甚多，正如過去美國不停印銀紙之後資金泛濫不停，除咗股票之外更加流入Bitcoin，而且如果大家有留意手錶的話，勞力士都係上年漲幅驚人。

第三

呢個想法必須具備簡單又複雜的特性，簡單到普通人都能夠覺得係個好主意，但必須複雜到好難用事實證明其對錯，否則泡沫吹不起來，就好似Bitcoin一樣，好多人都希望好似貨幣一樣而且去中心化，唔會好似美元咁狂印，但事實係點真係冇人可以確認。

第四

就係有人賺到錢，冇任何野比呢個輕鬆快速賺錢更能吸引大眾，假如你身邊朋友賺到錢，你更無可能忍得住手入市，而佢傳播速度可能比我哋而家身處的新冠肺炎更快。

第五

泡沫到咗一定程度就會有專家去背書，呢個泡沫會繼續升，依啲所謂專家通常都代表權威，令到民眾相信自己模仿成功人士。

第六

泡沫升幅會比常人想像更加耐，當初認為泡沫的人會隨着泡沫不停擴大而俾人取笑。

大家可以透過以上六個特性去尋找下一個泡沫的出現，假如搵到嘅話，記得到其時同不二分享。你又覺得而家市場上有咩投資產品有以上嘅特性呢？

賺大錢就要擁抱泡沫