首先感謝提供解決方法的學生Hazel，新朋友不用再翻牆內地去睇振幅，過去我找了很多在香港的工具都冇辦法直觀咁去睇這個數據。

但由於我已經用咗廣發證券軟件十幾年已經好順手，除咗振幅之外，我過去好多畫圖甚至睇A股板塊升跌都係用佢，短期內我都應該keep住用，但對於新朋友就可以用富途牛牛代替。

其實我過去從一通轉到富途牛牛都有啲唔習慣，主要原因係交易成本問題，始終作為交易者唔能夠忽略手續費，但而家中小型證券行越來越少，提供低價手續費已經難以生存，冇辦法，成本降低唯有在功能上有所要求，所以我一係用IB一係用富途牛牛，暫時唔想試其他。

講返正題，點樣用富途牛牛去睇振幅呢？好簡單。

先下載電腦版富途牛牛，我自己平時用開自選，去睇期權清單中的股票，點擊其中一隻你想研究的股票，在上方選擇月k，意思是指以一個月為單位的陰陽燭。

之後長按左鍵，你會發現出現一個藍色框框，而旁邊有區域放大及區域統計，點擊區域統計。

依個時候通常佢會有統計整個區間的振幅，而我哋需要就係單月的振幅，因此你將紅色框框拉到你想看的陰陽燭之上，就會出現當月的振幅。

由於暫時只有這個，未能好似廣發一樣逐條睇咁方便，但相比好多朋友不想及不會翻牆已經方便好多。

如果有朋友研究到更方便的方法可以同我講，由於要郁嚟郁去，我建議攞張白紙抄低佢做研究，或者在電腦上做記錄。

不用再翻牆看振幅