一般來講每隻股票都會有佢自己特定的月波幅(振幅)。。除非突然擴大波幅否則佢都維持係佢自己中位數波幅左右, 有一啲相對波幅比較大, 有一啲相對比較細，就我哋過去成日都強調每隻個股都有佢的特性就好似人既性格一樣，未必會個個一樣。

舉一個例子388創左過去咁多年新高(假設)現價$270(整數方便計算)，正常來講你喺上方係好難搵到阻力(因為短期未去過)，假如你認為佢會繼續上的話第一個目標應該用過去平均的月波幅去計算。。而過去半年港交所波幅由7到11%不等...

所以當你月頭考慮行使價的時候同時認為今個月的低位$270已見, 咁你用返佢過去平均波幅(9%)去計算就可以同樣計到佢的可能月高位($270x1.09=$294.3)！

依個時候即月的388@$280long call 最新價為$3.51, 而期權內在值假如真的到可能月高位$294.3的話是$14.3, 那麼倍數將會是$14.3/$3.51= 407%

如果同我地五倍思維去睇, 假如只出現平均波幅9%是不適合做280lc的，但假如你認為波幅會擴大至半年內波幅最高的11%甚至更高的話，那麼就要重新計算是否值博，因為有時候上方假如沒有阻力的話，波幅有可能抽高。

以過去一年最高的波幅(12%)計($270x1.12=$302.4), 那麼倍數將會是$22.4/$3.51= 638%, 這樣的話就符合五倍的風險回報比要求! 這個long call就值得買入。

聰明的朋友會發現假如你的目標價是$302.4, 那麼買入388@285long call 成交價為$2.43的倍數會更高有716%, 但以我過去咁多年經驗都會建議選擇接近500%就可以，因為雖然你預期的即月低位已見，但有時候人算不如天算，有可能先下跌少少再向上完成波幅，那麼目標價就不再是$302.4的話，選擇過高行使價會使回報更差，甚至全輸，特別在分注入市的情況下，不用放棄過高的行使價，只需要拉低$280lc的平均價就可以，所以大家明白點解做$280的long call會更具彈性更有容錯率吧。

同樣除咗月頭開倉之外，月中開倉都一樣，假如你在月中預測低位已經出現就可以運用月波幅去計算上方空間進行投機。

公式：上月月線收市價x月波幅再加你認為本月低位=預期目標價

再用上面同樣方法計算就可以找出適合行使價

有時候博末日期權都可以運用月波幅的方法，例如月初到月中交投淡靜未符合過去正常波幅，就可以博月尾之前進行修正完成波幅而下注。

（補充 ）如何利用月波幅(振幅)去計算目標價

（補充）如何利用月波幅(振幅)去計算目標價